Rasijski deputat: Ukraina pajšła pa zachodnim šlachu, my budziem pracavać z novaj uładaj
U Dziarždumie RF adznačyli, što biaździejnaść Janukoviča mieła dla Ukrainy katastrafičnyja nastupstvy, i zajavili pra jaho nierašučaść, a taksama hatoŭnaść pracavać z novymi ŭładami Ukrainy. Pra heta žurnalistam u Maskvie skazaŭ kiraŭnik Kamiteta Dziarždumy Rasii pa spravach SND Leanid Słucki.
«Tradycyjnaja nierašučaść Janukoviča vyjaviłasia, na vialiki žal, i tut, i mieła niehatyŭnyja ŭ histaryčnym maštabie nastupstvy… Ja nie chaču abmiarkoŭvać piersanalna Viktara Janukoviča, ale jaho biaździejnaść mieła dla Ukrainy katastrafičnyja nastupstvy i dazvoliła zachodnim ciažkavahavikam i apazicyi vykrucić situacyju ŭ toj ałharytm, jaki zafiksavany ŭ pahadnieńni», — skazaŭ Słucki.
«Budziem zychodzić z taho, što hetaje pahadnieńnie nie padzialaje nas z Ukrainaj. U vypadku, kali Ukraina źvierniecca da nas pa dapamohu, Rasija, ja dumaju, biezumoŭna, hetuju dapamohu akaža.
Jakoj by ni była dla nas novaja ŭłada, biezumoŭna, my budziem ź joj mieć znosiny ŭ intaresach naroda. Viadoma, my budziem supracoŭničać», — padkreśliŭ jon.
Adkazvajučy na pytańnie žurnalistaŭ, ci varta samomu Janukoviču iści na vybary, kali jany adbuducca ŭ śniežni, Słucki skazaŭ:
«Kali budzie viartańnie da Kanstytucyi 2004 hoda, kali budzie sfarmiravanaja kiravanaja Zachadam praz apazicyju Viarchoŭnaja Rada, jakaja pryznačyć praź niekatory čas nastupnaha za Janukovičam prezidenta, to heta zdymaje aktualnaść dadzienaha pytańnia, sydzie Janukovič zaraz ci praź niekatory čas.
Pa sutnaści spravy, situacyja ŭžo pajšła pa zachodniaj madeli raźvićcia, i ŭ hetym vypadku nieadkładnaja jaho adstaŭka abo adsutnaść takoj nie źjaŭlajecca klučavoj padziejaj dla raźvićcia situacyi».