Praz 30 chvilin paśla padpisańnia damoŭlenaściaŭ z apazicyjaj SBU zaścierahło krymskich sieparatystaŭ
Słužbaj biaśpieki buduć prymacca žorstkija miery pa spynieńni zamachaŭ na terytaryjalnuju cełasnaść i niedatykalnaść Ukrainy i pryciahnieńni datyčnych da takoj dziejnaści asob da kryminalnaj adkaznaści.
Pra heta havorycca ŭ paviedamleńni, raźmieščanym na aficyjnym sajcie SBU.
U SBU padkreślivajuć, što situacyja, jakaja skłałasia na siońniašni dzień va Ukrainie, śviedčyć pra sproby asobnych palitykaŭ, pradstaŭnikoŭ orhanaŭ miascovaha samakiravańnia, lideraŭ hramadskich abjadnańniaŭ, radykalna nastrojenych asob, stvaryć asnovu dla eskałacyi hramadzianskaha kanfliktu, raspaŭsiudžvańnia aŭtanamisckich i sieparatysckich nastrojaŭ siarod nasielnictva, što moža pryvieści da spynieńnia isnavańnia našaj dziaržavy jak unitarnaj i straty joj dziaržaŭnaha suvierenitetu.
«Asobnyja deputaty roznych uzroŭniaŭ pačali vieści sieparatnyja pieramovy z pradstaŭnikami zamiežnych dziaržaŭ. Užo adkryta prachodziać kansultacyi ab mahčymym raździele krainy na niekalki častak pry parušeńni paradku, ustanoŭlenaha Kanstytucyjaj Ukrainy», —
adznačajecca ŭ paviedamleńni. U SBU ličać, što heta moža pryvieści da eskałacyi supraćstajańnia pamiž roznymi płastami nasielnictva, raspalvańnia nacyjanalnaj abo relihijnaj varožaści i vajennaha kanfliktu.