Majdan daje Janukoviču čas na adstaŭku da 10.00 ranicy, inakš budzie šturm
Sotni tysiač ludziej sustreli lidaraŭ apazicyi 15-chvilinnym skandavańniem «Zeka heť!».
Taksama jany skandavali Kličku, Jacaniuku i Ciahniboku «Hańba».
Mitynhoŭcy, jakija nie ŭvachodziać ni ŭ jakuju arhanizacyju, padnialisia na scenu Majdana, i dali Viktaru Janukoviču čas da 10 ranicy zaŭtrašniaha dnia.
Za hety čas pratestoŭcy patrabujuć, kab jon padaŭ u adstaŭku.
Kali Janukovič hetaha nie zrobić, Majdan abiacaje pajści na šturm z zbrojaj, adnak kudy mienavita, ludzi nie ŭdakładnili.
Raniej na Majdan paśla zakryćcia siesii Viarchoŭnaj Rady Ukrainy prybyli lidery apazicyi — Vital Kličko, Aleh Ciahnibok i Jarsienij Jacaniuk, a taksama Piotr Parašenka. Častka ludziej Majdanie sustreła apazicyjanieraŭ krykami «Hańba!» I aśvistali ich, kali palityki vyjšli na scenu.
Tym časam Kommiersant Ukraina paviedamlaje, što ŭ Viarchoŭnaj Radzie zarehistravany zakonaprajekt ab impičmiencie prezidentu Ukrainy.
Prajekt zakona zarehistravany ŭ piatnicu, 21 lutaha, pad №4171. Aŭtar — narodny deputat (pazafrakcyjny) multymiljanier Mikałaj Rudźkoŭski. Tekst zakonaprajekta abo inšyja supravadžalnyja dakumienty na sajcie parłamienta adsutničajuć.
* * *
Lidar «Pravaha siektara»: «My nie składziem zbroju da adstaŭki Janukoviča»