U Miorach byli zatrymanyja žurnalisty «Biełsatu» i aktyvisty BCHD
U Miorach siońnia byli zatrymanyja dvoje karespandentaŭ telekanała «Biełsat», jakija pryjechali ŭ horad aśviatlać da hetaha času nie vyrašanuju prablemu adsutnaści aciapleńnia, paviedamiła pres-słužba arhkamiteta pa stvareńni partyi «Biełaruskaja chryścijanskaja demakratyja» (BCHD). Proźviščy žurnalistaŭ nie nazyvajucca.
Razam z žurnalistami byli zatrymanyja dva aktyvisty arhkamiteta BCHD, jakija supravadžali ich, — Siarhiej Vasiljeŭ i Dzianis Maskalenka. Pry zatrymańni prysutničaŭ asabista načalnik Miorskaha RAUS Siarhiej Łoń, paviedamiła kaardynatar arhkamiteta BCHD pa Viciebskaj vobłaści Taćciana Sieviaryniec.
Adnaho z žurnalistaŭ vyzvalili kala 18.00, druhoha paabiacali vyzvalić nieŭzabavie. Aktyvistu BCHD Źmicieru Łupaču, jaki ŭ pošukach zatrymanych pryjšoŭ u RAUS, milicyjanty paraili sychodzić, pakul nie zatrymali i jaho.