Cimašenka na Majdanie saromić usich astatnich palitykaŭ
Vyzvalenaja byłaja vice-premjer Ukrainy Julija Cimašenka pryjechała na Majdan. Stan jaje zdaroŭja kiepski, Cimašenku pierasoŭvajuć na invalidnym vazku. Natoŭp vitaŭ jaje vychad na sceny avacyjami i skandavańniem «Jula-Jula!»
«Siońnia ŭ nas z vami jość niekalki važnych zadač… Ni ŭ jakim vypadku vy nie majecie prava syści z Majdana pakul nie zavieršycca ŭsio, što vy sabie zapłanavali zrabić u krainie. Vy harantyja, vy taja siła, jakaja nie daść nikomu adstupić nazad «, - zajaviła jana na Majdan Niezaležnaści.
U svaim paŭhadzinnym vystupie Cimašenka prysaromiła ŭsich palitykaŭ i paprasiła ad ichniaj asoby prabačeńnia va ŭsich prysutnych.
«Ja siarod vas budu pieršym harantam, što bolš nichto nie budzie chadzić šlachami, jakimi raniej chadzili palityki. Ja budu harantam, što ničoha nie budzie vialikuju adbyvacca ŭ kułuarach. I ja taksama skažu, što ja ciažka kajusia. Ja pavinna paprasić prabačeńnia pierad vami za ŭsich palitykaŭ. Palityki, niezaležna ad partyj, byli ničoha nie vartyja. I ja chaču zrabić usio, kab vy ŭbačyli inšych. I kab vy byli nieadjemnaj častkaj novaj Ukrainy. I my heta z vami zrobim», - zajaviła jana.
Nahadajem, siońnia Julija Cimašenka była vyzvalenaja z balnicy ŭ Charkavie, dzie apošni čas adbyvała turemny termin. Adrazu ž jana zajaviła pra prezidenckija ambicyi.
Na Majdanie ŭviečary ŭ subotu sabrałasia niekalki sotniaŭ tysiač čałaviek.