U Minsku pakažuć tvor uradženca Biełarusi, nabyty na Sotheby's za $1,8 miljona
U mastactvaznaŭstvie isnuje termin mastaki «paryžskaj škoły». Pad im razumiejuć tvorcaŭ, jaki peŭny čas žyli ŭ Paryžy i źviedali ŭpłyŭ hetaha horada ŭ svaim mastactvie. Siarod ich jość i biełarusy.
Pryčym jak tvorcy, bolš viadomyja na radzimie (Jakaŭ Bałhlej, Michaił Kikoin, Pavieł Kremienia, Sem Carfin, Vosip Lubič), tak i tyja mastaki, jakija atrymali suśvietnuju viadomaść (Mark Šahał, Chaim Sucin, Vosip Cadkin).
Da niadaŭniaha času ŭ Biełarusi nie było nivodnaj karciny Chaima Sucina, jaki naradziŭsia ŭ Śmiłavičach na Červienščynie.
U 2012 hodzie «Biełhazprambank» nabyŭ jaho tvor «Vialikija łuhi ŭ Šartry».
Sioleta na Sotheby's bank za $1,8 miljona nabyŭ druhuju karcinu, «Jeva», napisanuju ŭ 1928 hodzie.
Śpiecyjalisty kažuć, što z usich partretnych tvoraŭ Sucina jana źjaŭlajecca adnoj z najbolš realistyčnych.
Tvor Sucina budzie pakazany na vystavie «Dziesiać stahodździaŭ mastactva Biełarusi».
Na joj buduć pakazanyja inšyja pakupki banka: knihu Simiaona Połackaha «Žazło praŭleńnia» (1667), karciny Marka Šahała, a taksama «Partret paeta Tamaša Zana», napisany Valencijem Vańkovičam.
Vystava projdzie ŭ Nacyjanalnym mastackim muziei z 27 sakavika da 10 lipienia.