Premjer Litvy stanie hanarovym hościem čempijanatu śvietu pa chakiei ŭ Minsku
Premjer-ministr Litvy Alhirdas Butkiavičus z zadavalnieńniem pryniaŭ zaprašeńnie premjer-ministra Biełarusi Michaiła Miaśnikoviča naviedać čempijanat śvietu pa chakiei ŭ Minsku ŭ jakaści hanarovaha hościa.
lrv.lt
Zaprašeńnie było pieradadziena jamu na sustrečy z Nadzvyčajnym i Paŭnamocnym Pasłom Respubliki Biełaruś u Litoŭskaj Respublicy Alaksandram Karalom.
Sustreča adbyłasia 25 lutaha ŭ Vilni. Asobnaja ŭvaha była ŭdzielena tematycy čempijanatu śvietu pa chakiei. Alhirdas Butkiavičus vysoka acaniŭ vystupleńnie spartsmienaŭ Biełarusi na Alimpijadzie ŭ Sočy i pavinšavaŭ biełaruski bok z vydatnym vynikam.
Baki taksama vysoka acanili ŭzrovień handlova-ekanamičnaha i inviestycyjnaha ŭzajemadziejańnia Biełarusi i Litvy. Razhledžany miery pa pašyreńni supracoŭnictva ŭ śfiery transpartu i tranzitu z asablivym akcentam na vykarystańnie mahčymaściaŭ Kłajpiedskaha porta.
Ź litoŭskaha boku vykazana zacikaŭlenaść u adnaŭleńni pastavak ciomnych naftapraduktaŭ ź Biełarusi.