U Maskvie klanucca, što Janukoviča ŭ ich niama
Rasiejskija palityki zapeŭnivajuć, što Kreml nie daŭ by prytułak Viktaru Janukoviču.
Pra heta kiraŭnik kamiteta pa mižnarodnych spravach Savieta Fiederacyi Michaił Marhiełaŭ paviedamiŭ u intervju RT.
Jon śćviardžaje, što Viktara Janukoviča niama na terytoryi Rasii.
«Ja dakładna viedaju, što Janukovič nie ŭ Rasiei, i, na majo ścipłaje mierkavańnie, Rasieja nie dała b jamu prytułku», — skazaŭ Marhiełaŭ u intervju RT.
Jon adznačyŭ, što adnosiny z Ukrainaj Rasija nie źbirajecca razryvać.
«My padtrymlivajem našy suviazi, našy adnosiny z Ukrainaj va ŭsich śfierach i razryvać ich nie źbirajemsia, i svajho pasła z Kijeva my vyklikali dla kansultacyj, tamu što nam sapraŭdy treba pravieści ź im kansultacyi i vyśvietlić, što tam adbyvajecca», — rastłumačyŭ Marhiełaŭ.
Jak viadoma, Viktar Janukovič abvieščany ŭ mižnarodny vyšuk.