CVK Ukrainy: Dla praviadzieńnia refierendumu ŭ Krymu niama jurydyčnaj bazy
Pavodle infarmacyi pradstaŭnika CVK, u zakonie ab usieŭkrainskim refierendumie ŭkazana, što zakon ab miascovych refierendumach straciŭ siłu.
Dla praviadzieńnia refierendumu ŭ Krymie niama jurydyčnaj bazy, zajaviŭ člen Centralnaj vybarčaj kamisii Juryj Dančanka ŭ kamientary UNIAN.
Dančanka raspavioŭ, što novy zakon Rada jašče nie raspracavała, i tamu jość supiarečnaści.
«U zakonie pra deputataŭ miascovych savietaŭ jość pytańnie ab ich adklikańni praz refierendum, a samoha miechanizma refierendumu niama», — rastłumačyŭ jon.
«Tamu heta ŭvodzić u zman niekatorych ludziej, jakija, abapirajučysia na zakon pra deputataŭ miascovych savietaŭ, nie bačać taho, što ŭ nas niama zakona ab miascovym refierendumie», — dadaŭ pradstaŭnik CVK.
Dančanka nahadaŭ, što zakon niekalki razoŭ unosiŭsia ŭ Radu, ale jaho da hetaha času nie pryniali.