Jacaniuka zaprasili na samit ES
Staršynia Rady Jeŭrasajuza Chierman van Rompiej zaprasiŭ premjer-ministra Ukrainy Arsienija Jacaniuka na pazačarhovy samit kiraŭnikoŭ dziaržavaŭ i ŭradaŭ ES, pryśviečany situacyi va Ukrainie.
Pra heta paviedamiŭ kiraŭnik misii Ukrainy pry ES, pasoł Kanstancin Jelisiejeŭ.
«Staršynia Rady ES Chierman van Rompiej zaprasiŭ Jacaniuka naviedać Brusel i ŭziać udzieł u hetym samicie», — paviedamiŭ jon u efiry telekanała ICTV.
Samit zapłanavany na čaćvier, 6 sakavika, u Bruseli.
Jak viadoma, Jeŭrapiejski sajuz u suviazi ź situacyjaj va Ukrainie płanuje praviadzieńnie samitu na ŭzroŭni kiraŭnikoŭ dziaržavaŭ i ŭradaŭ.
Pa słovach prezidenta Jeŭrapiejskaj kamisii Žaze Manueła Barozu, u ES «vielmi surjozna zaniepakojenyja» situacyjaj u krainie.