Padletak vyvaliŭsia z samalota
U lesie pad Maskvoj, u niekalkich kilametrach ad aeraportu «Damadziedava» znajšli cieła chłopčyka, jaki, najchutčej, vyvaliŭsia z samalota.
U lesie pad Maskvoj, u niekalkich kilametrach ad aeraportu «Damadziedava» znajšli cieła padletka, jaki, najchutčej, vyvaliŭsia z samalotu.
Na dumku medykaŭ, chłopcu kala 15 hadoŭ.
Pavodle asnoŭnaj versii śledztva, chłopčyk lacieŭ u handole šasi na vyšyni 10 kilametraŭ, dzie temperatura minus 50 i nie staje kisłarodu. Na padlocie da aeraportu, kali samalot vypuściŭ šasi, niežyvoje cieła niebaraki prosta vyvaliłasia vonki.
Pavodle supracoŭnikaŭ aeraportu, mahčyma jašče, što chłopčyk moh vypadkova apynucca ŭ bahažnym adsieku samalota, razhiermetyzacyja jakoha praktyčna nie ŭpłyvaje na palot.
Vyhladaje, chłopiec vyrašyŭ paŭtaryć učynak školnika ź Piarmi, jaki pry kancy vieraśnia schavaŭsia ŭ adsieku dla šasi j bolš jak dźvie hadziny lacieŭ da Maskvy, duža abmaroziŭsia, ale acaleŭ.
Adnak specyjalisty nie dajuć viery hetaj rastyražavanaj medyjami historyi, bo vyžyć u taki choład dy biez kisłarodu paprostu niemahčyma.