Litva zabaraniła ŭjezd Janukoviču i jaho paplečnikam
Litva zabaraniła ŭjezd na svaju terytoryju byłomu kiraŭniku Ukrainy Viktaru Janukoviču i jašče 17-ci pradstaŭnikam byłych uładaŭ, jakich padazrajuć u parušeńni pravoŭ čałavieka, užyvańni hvałtu i siły suprać pratestoŭščykaŭ.
MZS Litvy pradstaviŭ Departamientu mihracyi śpis z 18-ci proźviščaŭ.
«U śpisie Janukovič, usio byłoje kiraŭnictva, kiraŭniki siłavych struktur. Śpis nie kančatkovy, jon budzie pašyrany. U im 18 čałaviek, jakija adkazvali za byłuju situacyju biaśpieki i dziejańni jakich pryviali da taho, što adbyłosia ŭ Kijevie», — skazaŭ ministr zamiežnych spraŭ Litvy Linas Linkiavičus.
ES taksama pahražaje ahulnymi sankcyjami Janukoviču i jaho paplečnikam, adnak padrychtoŭka śpisu zatrymałasia. Aŭstryja, Šviejcaryja i Lichtenštejn ŭ minułuju piatnicu zamarozili bankaŭskija rachunki Janukoviča i jaho akružeńnia.