Praz 10 dzion paśla pačatku ahresii Ukraina narešcie ŭzmacniła kantrol na miežach
MUS i SBU pačali apieracyju « Miaža», kab nie dapuścić ŭjezdu ŭ Ukrainu rasijskich ekstremistaŭ. Pra heta paviedamiła Dziaržaŭnaja pamiežnaja słužba Ukrainy.
U vyniku biaździejańnia pamiežnikaŭ na minułych vychadnych šturmaviki z Rasii ŭdzielničali ŭ niekalkich mitynhach na ŭschodzie i poŭdni krainy. Jany byli zastrelščykami biesparadkaŭ u Charkavie i Adesie, dzie zryvali ŭkrainskija ściahi i mianiali ich na rasiejskija.
Adciapier na ŭkrainska-rasijskaj miažy vystaŭlenyja dadatkovyja narady pamiežnikaŭ i ŭžyvajecca śpiectechnika. Akramia taho, kardony źjavilisia i na hranicy Kryma z kantynientalnaj Ukrainaj.
Pry hetym u samim Krymie situacyja zastajecca składanaj. Ukrainskija pamiežniki tam błakavanyja rasiejskimi vojskami, choć ich i nie ŭziali ŭ pałon, nie aryštavali.
Za ŭčarašni dzień ukrainskija pamiežniki admovili va ŭjeździe paŭtysiačy hramadzian Rasii.