Łukašenka: Biełaruś «nie pojdzie na stvareńnie ŭ Maskvie sumiesnych kampanij pa prodažy kaliju»
Biełaruś nie pojdzie na stvareńnie ŭ Maskvie sumiesnych kampanij pa prodažy kalijnych uhnajeńniaŭ.
Pra heta zajaviŭ siońnia Alaksandr Łukašenka na naradzie pa pytańni efiektyŭnaha funkcyjanavańnia kalijnaj haliny.
«U apošni čas u ŚMI źjavilisia ŭkidy pra toje, što biełarusy z rasiejcami ledź nie adnavili sumiesnaje pradpryjemstva pa prodažach i ledź nie stvarajuć novuju kampaniju z rehistracyjaj u Maskvie. Chaču adnaznačna skazać, što heta poŭnaja chłuśnia!
Pra heta ja čuju u pieršy raz z hetych srodkaŭ masavaj infarmacyi i chaču dadać tolki adno, što nijakich sumiesnych kampanij u Maskvie my stvarać nie budziem», — padkreśliŭ Łukašenka.
U toj ža čas jon adznačyŭ, što biełaruski bok adkryty dla pieramovaŭ, pierš za ŭsio z rasijskimi kalehami. «My hatovyja až da adnaŭleńnia našaha supracoŭnictva, jak heta było ŭ lepšyja hady,
ale takaja kampanija budzie stvorana, kali budzie, to tolki ŭ Minsku, — skazaŭ jon.
— Nijakich zamiežnych kampanij my stvarać nie budziem. My navučanyja horkim dośviedam pracy».