Nieaficyjny klip na pieśniu «Lapisaŭ» z kadrami z Majdanu nabraŭ u siem razoŭ bolej prahladaŭ, čym aficyjny rolik
Nieaficyjny klip na śviežuju pieśniu hurtu «Lapis Trubiacki» «Voiny śvieta» ŭžo nabraŭ bolš za 750 tys. prahladaŭ na Youtube.com za piać dzion.
Videa vykłaŭ na YouTube 2 sakavika karystalnik Alex Karpenko.
Na videa — Hieroi Majdanu, pačynajučy ad listapada, kali pačalisia akcyi pratestu ŭ Kijevie. U pryvatnaści, taksama jość na videa bieł-čyrvona-biełyja ściahi, zahinuły 22 studzienia na Hrušeŭskaha biełarus Michaił Žyźnieŭski dy armianin Siarhiej Nihajan. Pryvodzicca taksama siužet z pres-kanfierencyi Janukoviča 28 lutaha, kali były prezident Ukrainy złamaŭ asadku, prosiačy prabačeńnia va ŭkrainskaha naroda.
Cikava, što aficyjny klip «Lapisaŭ» na hetu pieśniu, vykładzieny 4 sakavika, niahledziačy na vialikuju kolkaść aholenych žanočych ciełaŭ, nabraŭ u siem razoŭ mieniej prahladaŭ —103 tys.