Viktar Janukovič: Adździaleńnie Kryma praz refierendum — niezakonna
U tvitary byłoha prezidenta Ukrainy Viktara Janukoviča źjaviŭsia nastupny zapis:
«Adździaleńnie Krymu praz refierendum niezakonna, pakul nie apytanaja ŭsia Ukraina. Ale novyja ŭłady abaviazany ŭličyć volu naroda. Astatniaje zaŭtra ŭ 15-00».
Reuters
Ciońnia stała viadoma, što ŭ aŭtorak źbiehły ŭ Rasiju Janukovič daść novuju pres-kanfierencyju ŭ Rastovie-na-Donie, papiaredniaja prajšła 28 lutaha.
Pa słovach ukrainskich žurnalistaŭ, ź jakimi pahutaryŭ karespandent BiełaPAN, staronka Janukoviča ŭ tvitary — sapraŭdnaja. U toj ža čas biantežyć vyraz «novyja ŭłady», bo na pres-kanfierencyi 28 lutaha Janukovič nazyvaŭ siabie dziejučym prezidentam.
Refierendum u Krymie pryznačany na 16 sakavika. Žycharam prapanujecca vyznačycca, žycharam jakoj krainy jany chočuć być — Ukrainy ci Rasii.