U Biełarusi znoŭ zafiksavany tempieraturny rekord dnia, u Minsku paŭtorany rekord sakavika
Novy tempieraturny rekord dnia zafiksavany ŭ Biełarusi 23 sakavika.
Zhodna z kartaj nadvor`ia resursu meteoinfo.by, u Lelčycach (Homielskaja vobłaść) pavietra prahrełasia da 21,5 hradusa ciapła, što roŭna na 4 hradusy bolš za papiaredni maksimum (u Breście ŭ 2012 hodzie). Napiaredadni ŭ krainie taksama byŭ zarehistravany novy dzionny maksimum — plus 22 u Brahinie (Homielskaja vobłaść) (było 20,1 u Lelčycach u 1990 hodzie).
U Minsku rekordy fiksujucca treci dzień zapar. Na hety raz raniejšy maksimum pieravyšany na 4,2 hradusa — 18,9 suprać 14,7 hradusa 23 sakavika 1981 hoda.
Bolš taho, novy pakazčyk roŭny absalutnamu maksimumu miesiaca, jaki byŭ zarehistravany 19 sakavika 1990 hoda.
U niadzielu pali rekordy dnia ŭ čatyroch abłasnych centrach: Viciebsku — 19 hradusaŭ ciapła (13,3 u 1981 hodzie), Mahilovie — 18,9 (14,8 u 1981 hodzie), Homieli — 18,5 (14,6 u 2007 hodzie) i Breście — 18,5 (17,5 u 2012 hodzie). Pry hetym u Viciebsku pierakryty absalutny maksimum sakavika (17,6 hradusa ŭ 1990 hodzie).
U najbližejšyja sutki ciopłaje nadvor`ie zachavajecca.