Nacboł Dźmitryj Palijenka adbyvaje administracyjny aryšt
Aktyvist nacyjanał-balšavickaha ruchu Dźmitryj Palijenka siońnia ranicaj pieraviedzieny ŭ Centr izalacyi pravaparušalnikaŭ dla adbyćcia administracyjnaha aryštu ŭ terminam 13 sutak nibyta za «drobnaje chulihanstva».
Pry hetym na praciahu dvuch sutak jaho miescaznachodžańnie i pravavy statut zastavalisia pad pytańniem. Sud, a taksama roznyja padraździaleńnia MUS, u jakija źviartalisia svajaki i siabryDźmitryja, admaŭlali fakt jaho zatrymańnia. Pra heta paviedamlajuć siabry aktyvista.
Uviečary 24 sakavika aktyvist nacyjanał-balšavickaha ruchu Dźmitryj Palijenka paviedamiŭ PC «Viasna» pra svajo zatrymańnie. Pa stanie na 17.00 jon znachodziŭsia ŭ RAUS Zavodskaha rajona. Bolš padrabiaznuju infarmacyju aktyvist pa telefonie paviedamić nie zmoh.
Viadoma tolki, što ŭ hety dzień dadomu da jaho naviedaŭsia ŭčastkovy inśpiektar i skazaŭ, čto choča pravieści hutarku. Paśla hetaha Palijenka patelefanavaŭ svaim siabram i paviedamiŭ, što milicyja choča izalavać jaho napiaredadni Dnia Voli.
Cikava, što ŭčastkovy pryjšoŭ da Palijenki prykładna praź dźvie hadziny paśla taho, jak adbyŭsia sud nad aktyvistam. U subotu 22 sakavika jon byŭ zatrymany za hrafici, a siońnia asudžany za chulihanstva pa art.17.1 KaAP i byŭ pakarany štrafam.