U Karmianskim rajonie jaŭka na vybarach skłała amal 100%
Jak paviedamiła Karmianskaja rajonnaja vybarčaja kamisija, jaŭka vybarščykaŭ na vybarach deputataŭ miascovych savietaŭ 23 sakavika skłała 98,26%.
Usie akruhi ŭ rajonie byli biezalternatyŭnymi, jak i ŭ bolšaści rajonaŭ Homielskaj vobłaści.
U Brahinskim rajonie, paviedamlaje rajvykankam, jaŭka skłała 95,15%.
Vietkaŭski rajvykankam zajaŭlaje ab jaŭcy 93,4% vybarščykaŭ.
Žytkavickaja rajonnaja hazieta «Novaje Paleśsie» piša pra jaŭku 89,39%.
Taksama, pavodle infarmacyi vydańnia, bolš čym na 20 sielskich učastkach jaŭka skłała 100%.
Pavodle infarmacyi Homielskaj abłasnoj vybarčaj kamisii, u piaci rajonach vobłaści jaŭka skłała bolš čym 90%, a ŭ cełym pa vobłaści na ŭčastki pryjšło 80,88% vybarščykaŭ.