Istotna daražaje prajezd u pryharadnych aŭtobusach i na čyhuncy
1 krasavika ŭ siarednim na 18% pavyšajecca košt prajezdu na pryharadnych aŭtobusach.
Ab hetym havorycca ŭ rašeńni Minharvykankama № 659 ad 25 sakavika, apublikavanym na Nacyjanalnym pravavym internet-partale.
Taryfy na prajezd u aŭtobusach ahulnaha typu na zvyčajnych maršrutach ustanoŭleny ŭ pamiery 488 rubloŭ za 1 km, ź miakkimi adkidnymi siadzieńniami — 504 rubloŭ za 1 km.
Na chutkasnych maršrutach u aŭtobusach ahulnaha typu taryfy pavyšanyja da 634 rubloŭ za 1 km, ź miakkimi adkidnymi siadzieńniami — da 656 rubloŭ za 1 km, na dadatkovych maršrutach u aŭtobusach ahulnaha typu — da 658 rubloŭ za 1 km, ź miakkimi adkidnymi siadzieńniami — da 680 rubloŭ za 1 km, na ekspresnych maršrutach — da 732 i 756 rubloŭ adpaviedna.
Taryfy za 1 km dla bahažu ŭ aŭtobusach pryharadnych maršrutaŭ składuć: dla małamiernaha — 40 rubloŭ, siaredniamiernaha — 80 rubloŭ, bujnamiernaha — 160 rubloŭ.
Papiaredni raz taryfy pavyšalisia z 1 śniežnia 2013 hoda na 20%.
Taksama 1 krasavika ŭ siarednim na 30% buduć pavyšanyja taryfy na pieravozki pasažyraŭ i bahažu čyhunačnym transpartam.
Pastanova ab hetym zaćvierdžanaja Ministerstvam ekanomiki i apublikavanaja na Nacyjanalnym pravavym internet-partale.
Taryf na prajezd na rehijanalnych linijach ekanamkłasa padaražeje da 1.200 rubloŭ za adnu zonu prajezdu i da 120 rubloŭ za 1 km prajezdu.
Košt pajezdki na ciahnikach haradskich linij uzraście da 6.600 rubloŭ pry pieravozcy pasažyraŭ u miežach adnaho taryfnaha pojasa, da 7.800 rubloŭ pry pieravozcy pasažyraŭ u miežach dvuch taryfnych pajasoŭ, da 11.400 rubloŭ u miežach troch i da 15.600 rubloŭ u miežach čatyroch taryfnych pajasoŭ.
Na 33% padaražeŭ košt prajezdu pasažyraŭ ciahnikami na rehijanalnych linijach biźnies-kłasa ŭ zaležnaści ad adlehłaści i typu ruchomaha składu.
Taksama pavialičanyja taryfy na pieravozku bahažu na haradskich, rehijanalnych i mižrehijanalnych linijach.