Za vychadnyja ad zaharańnia suchoj travy zahinuli try čałavieki — usie piensijaniery
Try čałavieki zahinuli za vychadnyja ad zaharańnia suchoj travy, paviedamiła pres-słužba Ministerstva pa nadzvyčajnych situacyjach. Usiaho pastupiła 209 paviedamleńniaŭ ab zaharańni travy, paškodžana ahniom 29 pabudoŭ.
Tak, u subotu dniom ratavalnikam Pastaŭskaha padraździaleńnia MNS pastupiŭ zvanok ad žycharki haradskoha pasiołka Łyntupy. Žančyna skazała, što susiedka tušyła pałajučuju kala doma travu i ŭpała ŭ jaje. Ratavalniki znajšli žančynu 1939 hoda naradžeńnia zahinułaj.
Pryblizna ŭ 16 hadzin u MNS paviedamili ab uzharańni travy ŭ vioscy Mielichava Sieńnienskaha rajona Viciebskaj vobłaści. Padraździaleńni MNS, jakija prybyli na miesca zdareńnia, znajšli na miescy pažaru zahinułuju 76-hadovuju žančynu.
Viečaram taho ž dnia ŭ centr apieratyŭnaha kiravańnia Biarozaŭskaha padraździaleńnia MNS ad dziažurnaha RAUS pastupiła paviedamleńnie, što za terytoryjaj prysiadzibnaha ŭčastka ŭ vioscy Utrany znojdzieny zahinułym mužčyna 1937 hoda naradžeńnia. Baćku na ŭčastku znajšoŭ syn. Miarkujemaja pryčyna pažaru — nieaściarožnaje abychodžańnie z ahniom pry vypalvańni suchoj raślinnaści. Płošča vyharałaj travy skłała 11 ha, pabudovy nie paciarpieli.