Kanfierencyja «Kastuś Kalinoŭski» prajšła ŭ Łondanie
Kanfierencyja «Kastuś Kalinoŭski i nacyjatvorčy praces u Biełarusi» pačała pracu 27 sakavika.
na fota a. Alaksandr Nadsan, Anatol Taras, Pavieł Padkarytaŭ.
Ctarejšyja biełaruskija arhanizacyi Vialikabrytnii — Zhurtavańnia biełarusaŭ Vialikaj Brytanii i Anhła-biełaruskaje tavarystva arhanizavali kanfierencyju. Partniorami kanfierencyi vystupili Univiersitecki kaledž Łondana, Žurnał biełaruskich daśledavańniaŭ, Ambasada Litoŭskaj respubliki, Belarus Digest, Centr pierachodnych daśledavańniaŭ i Prafiesijnaja asacyjacyja biełarusaŭ Brytanii.
Padzieja pačałasia z malitvy za biełaruski narod, jakuju adsłužyŭ ajciec Alaksandr Nadsan.
U svaim vitalnym słovie jon adznačyŭ važnuju symbaličnuju rolu Kastusia Kalinoŭskaha i Dnia Voli ŭ kantekście sučasnych padziejaŭ u Jeŭropie. Ajciec Nadsan pravioŭ ekskursiju pa biełaruskaj skarynaŭskuju biblijateku i muzei. Udzielnikaŭ pavitali siabry arhamiteta kanfierencyi — Karalina Mackievič, Džym Dyinhli i Jarasłaŭ Kryvoj. Taksama vystupiŭ Mikałaj Pačkajeŭ ad Zhurtavańnia biełarusaŭ Vialikaj Brytanii.
28 sakavika asnoŭnaja častka kanfierencyi sabrała blizu 50 udzielnikaŭ va Univiersiteckim kaledžy Łondana.
Navukoŭcy ź Biełarusi, Polščy, Litvy i Vialikabrytanii pradstavili bolš za 15 dakładaŭ, źviazanyja z histaryčnymi, litaraturnymi i palityčnymi aśpiektami spadčyny Kastusia Kalinoŭskaha. Siarod udzielnikaŭ byli Alaksandr Śmialančuk, Iryna Dubianieckaja, Arnold Makmilin, Darota Michaluk, Daryjus Stalijunas i inšyja.
Ź vitalnym słovam pa-biełarusku pierad udzielnikami vystupiła ambasadar Litoŭskaj Respubliki ŭ Łondanie Asta Skajshirajcie-Laŭškienie, a taksama były ambasadar Vialikaj Brytanii ŭ Biełarusi i ciapierašni staršynia Anhła-biełaruskaha tavarystva Brajan Benet.
Taksama adbyłosia adkryćcio vystavy «Nieviadomaja Biełaruskaja narodnaja respublika» u hałoŭnym budynku Univiersiteckaha kaledža Łondana, arhanizavanaja Jeŭrapiejskim humanitarnym univiersitetam.
29 sakavika paśla akademičnaj častki kanfierencyi ŭdzielniki dałučylisia da śviatkavańnia Dnia voli ŭ Biełaruskim domie, jakoje budzie supravadžacca fotavystavaj, pryśviečanaj paŭstańniu Kastusia Kalinoŭskaha.
Kanfierencyja stała najbujniejšaj akademičnaj padziejaj, pryśviečanaj Biełarusi ŭ Vialikaj Brytanii za apošnija dziesiacihodździ. Pa vynikach kanfierencyi płanujecca vydańnie śpiecyjalnaha numara Žurnała biełaruskich daśledvańniaŭ na anhielskaj i biełaruskaj movach.