«Hazprom» pavysiŭ canu na haz dla Ukrainy roŭna da ŭzroŭniu, pa jakim Ukraina mahła b atrymlivać paliva ź Niamieččyny
Kiraŭnik «Hazproma» Alaksiej Miler zajaviŭ, što z 1 krasavika cana na haz dla Ukrainy vyrasła da 385,5 dalara za tysiaču kubamietraŭ.
Miler padkreśliŭ, što źnižka na košt hazu dla Ukrainy bolš nie dziejničaje.
«Śniežańskaja» źnižka na haz bolš prymianiacca nie moža. Heta fakt i vynikaje ź nievykanańnia ŭkrainskim bokam abaviazacielstvaŭ pa pahašeńni doŭhu za pastaŭki hazu ŭ 2013 hodzie i adsutnaściu 100 % apłaty biahučych pastavak, i adpaviedna, pavieličeńniem doŭhu za pastaŭleny haz», — zajaviŭ kiraŭnik «Hazproma».
Pavodle jaho słoŭ, suma ŭkrainskaha doŭhu składaje 1,711 młrd dalaraŭ.
17 śniežnia 2013 hoda Rasija i Ukraina padpisali dadatkovaje pahadnieńnie da hazavaha kantraktu ab źnižcy na haz, u vyniku čaho z 2014 hoda cana na rasijski haz dla Ukrainy źniziłasia da 268,5 dalaraŭ za tysiaču kubamietraŭ.
Da hetaha rasijski haz dla Ukrainy kaštavaŭ kala 400 dalaraŭ za 1 tys. kubamietraŭ.
U dadatkovym pahadnieńni było prapisana, što košt moža pierahladacca štokvartalna.
Cikava, što cana hazu akazałasia nižejšaj, čym mierkavaŭ ŭkrainski ŭrad, i roŭna takoj, pa jakoj Ukraina mahła b atrymlivać błakitnaje paliva pa novazbudavanym hazapravodzie ź Niamieččyny praz Słavaččynu.
Premjer Jacaniuk mierkavaŭ, što cana hazu moža skłaści navat 500 dalaraŭ i pryśpiešvaŭ Słavaččynu sa stvareńniem mahčymaści dla reviersnych pastavak hazu praz Karpaty.