U krasaviku Biełaruś abvieścić konkurs dla inviestaraŭ pa prychodzie na «Hrodna Azot»
Biełaruś u krasaviku abvieścić konkurs pa pryciahnieńni inviestara dla madernizacyi pradpryjemstva «Hrodna Azot». Pra heta paviedamiŭ žurnalistam pieršy vice-premjer Uładzimir Siamaška paśla adkryćcia VI Mižnarodnaj vystavy «Atamekspa-Biełaruś — 2014». Udziełu ŭ «Hrodna Azocie» daŭno dabivałasia Rasija. Novym inviestaram moža stać «Hazprom», bo azotnyja ŭhnajeńni vyrablajucca z hazavaj syraviny, a «Hazprom» — manapalist u jaho pastaŭkach u Biełaruś.
Uładzimir Siamaška udakładniŭ, što havorka idzie ab pryciahnieńni nie prosta inviestara, ale i akcyjaniera, jakomu za ŭdzieł u inviestprajektach «Hrodnaazota» budzie pieradadzieny pakiet akcyj u pamiery 25% plus adna akcyja, pieradaje karespandent BIEŁTA.
Pavodle słovaŭ Siamaški, ciapier na pradpryjemstvie realizujucca dva inviestprajekty. Adzin ź ich nakiravany na pavieličeńnie na 20% užo isnujučych mahutnaściaŭ pa vytvorčaści azotnych uhnajeńniaŭ. Druhi — heta budaŭnictva novaj vytvorčaści pobač ź isnujučaj.
Siamaška raspavioŭ, što jość peŭnyja zruchi i pa inšych tak zvanych «intehracyjnych prajektach», jakija zapłanavany da realizacyi pamiž Biełaruśsiu i Rasijaj. Siońnia ŭ Minsku znachodzicca namieśnik staršyni ŭrada Rasii, staršynia Vajskova-pramysłovaj kamisii pry ŭradzie RF Dźmitryj Rahozin. Jon pravioŭ pieramovy z Łukašenkam i ciapier naviedvaje biełaruskija pradpryjemstvy. «Adrazu paśla vystavy ja dałučusia da jaho i my praciahniem pradmietnyja pieramovy», — skazaŭ Uładzimir Siamaška.
Akramia «Hrodna Azota», Rasija chacieła b atrymać udzieł u MAZu, MZKC, «Pielenhu», «Intehrale». Apošnija try pradpryjemstvy majuć značeńnie pieradusim dla VPK.