Alenu Kavalenku, žonku eks-palitviaźnia Siarhieja Kavalenki, buduć sudzić za niesankcyjanavany pikiet
Aktyvistku Kansiervatyŭna-chryścijanskaj partyi — BNF Alenu Kavalenku, žonku byłoha palitźniavolenaha Siarhieja Kavalenki, buduć sudzić 15 krasavika za praviadzieńnie niesankcyjanavanaha pikieta.
Jak paviedamlaje pravaabarončy sajt spring96.org, 1 krasavika Alenu Kavalenku vyklikali ŭ aporny punkt milicyi, dzie ŭčastkovy skłaŭ na jaje pratakoł pa artykule 23.34 Kodeksa ab administracyjnych pravaparušeńniach. Materyjały spravy ŭžo nakiravanyja ŭ sud Pieršamajskaha rajona Viciebska. Pasiadžeńnie pačniecca ŭ 10 hadzin 15 krasavika.
22 sakavika napiaredadni vybaraŭ deputataŭ miascovych savietaŭ Alena Kavalenka i jašče adzin aktyvist KCHP-BNF Jan Dziaržaŭcaŭ praviali ŭ Viciebsku pikiet u padtrymku bajkotu vybaraŭ. Na płakacie, jaki jany trymali, było napisana: «Bajkot vybarčamu farsu».
Dziaržaŭcaŭ byŭ zatrymany supracoŭnikami milicyi 25 sakavika, kali viartaŭsia sa śviatkavańnia Dnia Voli. 26 sakavika jaho aryštavali na siem sutak.
Varta zaznačyć, što ŭ Aleny Kavalenki dvoje małaletnich dziaciej.