Miljarder Achmietaŭ prapanavaŭ sieparatystam byŭ pasiarednikam u Daniecku: Kali zaŭtra, b**, praljecca kroŭ, kamu stanie lepš?
Miljarder Rynat Achmietaŭ vyjšaŭ da sieparatystaŭ u Daniecku, paklikaŭšy ich vieści pieramovy z uładaj. Pry hetym jon padkreśliŭ, što kali pačniecca šturm budynka Danieckaj abładministracyi siłavikami — budzie razam ź ludźmi.
Biznesmen zajaviŭ, što budzie prasić ułady havaryć z pratestoŭcami hetak ža, jak i pratestoŭcaŭ — havaryć z uładaj.
«Čaho chočuć ludzi? Ułada pavinna być u rehijonach. Akramia taho, kab nam nie naviazvali, na jakoj movie havaryć, u jakuju carkvu chadzić.
Jakaja naša zadača? Zaprasić uładu i skazać: jość Danbas i jaho treba pačuć. (Pieršy vice-premjer) Jarema (pryjechaŭ na pieramovy ŭ rehijon) niešta nie tak kaža? Davajcie zaprosim (premjera) Jacaniuka», — skazaŭ jon.
Adkazvajučy na repliku ab tym, što ludziam niama za kaho hałasavać — Achmietaŭ nahadaŭ, što «jość Partyja rehijonaŭ». «Ja siabra Partyi rehijonaŭ. Ja byŭ i zastajusia im», — skazaŭ jon.
«Ja hatovy zrabić usio i być z vami. U mianie pracuje 300 tysiač čałaviek. Treba pradavać pradukcyju. Kali pačniecca šturm — pajdu razam z vami tudy. Budu ciarpieć razam z vami. Ale ja chaču źviarnucca da ŭrada i paprasić. U ich štab. Ja budu prasić, kab šturmu nie było. Adciahnuć čas — heta taksama pieramoha. Chto sa mnoj hatovy jechać, kab my sieli 3-5 čałaviek i kazali, kab šturmu nie było. Chto budzie? Vybirajcie i pajechali», - skazaŭ Achmietaŭ.
«Davaj voźmiem 50 punktaŭ. I my ni *** nie vyrašym. A davajcie punkta - a, b, v, h. Treba realna.
Hladzicie, chłopcy. Ci budziecie prasić to - to - to - ni *** nichto nie daść. dalej što? Vajavać — nie vyjście. Ja prapanuju pa-inšamu. My kažam pra toje, kab Danbas pačuli. Treba havaryć. Pasłuchajcie mianie, kali zaŭtra, b**, praljecca kroŭ — kamu stanie lepš? Usio, pajechali. Chto jedzie? davajcie», — skazaŭ Achmietaŭ.
Zaraz sfarmavanaja inicyjatyŭnaja hrupa pratestoŭcaŭ razam z danieckim biznesmenam vyjechali ŭ abłupraŭleńnie milicyi, dzie pracuje apieratyŭny štab.