Madura pahadziŭsia na sustreču ź lidarami apazicyi
Prezident Vieniesueły Nikałas Madura pahadziŭsia sustrecca z pradstaŭnikami apazicyi ŭpieršyniu z momantu pačatku pratestaŭ dva miesiacy tamu.
Sustreča Madury i lidara apazicyi Enrykie Kaprylesa pavinna adbycca ŭ aŭtorak pry ŭdziele pradstaŭnikoŭ Sajuza paŭdniovaamierykanskich nacyj.
Masavyja pratestnyja akcyi praciahvajucca ŭ Vieniesuele ź lutaha. Akcyi časta zakančvalisia žorstkimi sutyknieńniami demanstrantaŭ z palicyjaj, u vyniku čaho zahinuli kala 40 čałaviek.
Udzielniki vystupleńniaŭ skardziacca na vysoki ŭzrovień złačynnaści ŭ krainie, a taksama na niedachop praduktaŭ i patrabujuć adstaŭki prezidenta.