Pamior były rektar Univiersiteta fizkultury, pieršy prezident fiederacyi baskietboła Bondar
Na 70-m hodzie žyćcia 6 krasavika pamior pieršy prezident Biełaruskaj fiederacyi baskietboła Alaksandr Bondar.
«Za svajo žyćcio Alaksandr Ivanavič zrabiŭ istotny ŭniosak u raźvićcio baskietboła ŭ Biełarusi, vydaŭ piać knih pra hety vid sportu i napisaŭ bolš jak 200 navukovych prac», — zaznačajecca ŭ spačuvańni BFB.
Bondar uznačalvaŭ Akademiju fizičnaha vychavańnia i sportu (zaraz Biełaruski dziaržaŭny ŭniviersitet), NDI fizičnaj kultury i sportu, byŭ vice-prezidentam Nacyjanalnaha alimpijskaha kamiteta.
U ŚMI, u pryvatnaści ŭ spartyŭnaj haziecie «Priessboł», nieadnarazova publikavalisia skandalnyja materyjały pra dziejnaść Bondara. Budučy rektaram VNU, jon atrymaŭ vymovu za biezhaspadarčaść i nieracyjanalnaje vykarystańnie biudžetnych srodkaŭ, a zatym byŭ źniaty z pasady. Paviedamlałasia taksama, što pavodle vynikaŭ finansavych pravierak NDI fizkultury i sportu ŭ 2008 hodzie Bondar byŭ aryštavany.