U Kazachstanie zrobiać bolš žorstkim pakarańnie za sieparatyzm
Za zakliki da niezakonnaj źmieny terytaryjalnaj cełasnaści Kazachstana pa prajekcie novaha Kryminalnaha kodeksa praduhledžana pakarańnie da 10 hadoŭ pazbaŭleńnia voli.
«Prajektam Kryminalnaha kodeksa ŭvodzicca novy artykuł, jaki praduhledžvaje kryminalnuju adkaznaść za sieparatysckuju dziejnaść. Buduć pryznanyja kryminalna-karalnymi dziejańni pa zaklikach da niezakonnych, niekanstytucyjnych źmienaŭ terytaryjalnaj cełasnaści Respubliki Kazachstan, dezintehracyi», — raspaviała ŭ intervju žurnalistam načalnik upraŭleńnia departamienta Hienieralnaj prakuratury Arman Ajahanava.
«Artykuł adnosicca da ciažkich (złačynstvaŭ) i pa častcy pieršaj praduhledžvaje maksimalnuju mieru pakarańnia ŭ vyhladzie pazbaŭleńnia voli terminam da 7 hadoŭ. Kali hetyja ž dziejańni buduć ździajśniacca asobaj z vykarystańniem słužbovaha stanovišča, to da 10 hadoŭ», — adznačyła jana.
Taksama jana ŭdakładniła, što, pakolki Internet pryroŭnieny da ŚMI hety artykuł budzie raspaŭsiudžvacca na prapahandu i publičnyja zakliki, jakija adnosiacca da sieparatyzmu.