Ukrainski śpiecnaz uvajšoŭ u zachopleny rasijskimi kamandas Słaviansk
abnaŭlajecca
Vakoł Słavianska źjavilisia ŭkrainskija śpiecnazaŭcy. Fota novosti.dn.ua.
Sieparatysty ŭ Słaviansku. Fota Rojterz.
Błokpost sieparatystaŭ u Słaviansku likvidavany. Fota Rojterz.
U Słaviansku pačałasia antyterarystyčnaja apieracyja pad kiraŭnictvam SBU, da apieracyi pryciahnuty siły ŭsich siłavych padraździaleńniaŭ Ukrainy.
«Pačałasia ATA [antyterarystyčnaja apieracyja] ŭ Słaviansku. Kiruje ATC SBU Ukrainy. Pryciahnuty siły z usich siłavych padraździaleńniaŭ krainy. Z Boham!», — napisaŭ na svajoj staroncy ŭ Facebook ministr unutranych spraŭ Ukrainy Arsien Avakaŭ.
Krychu paźniej u kamientary da hetaha zapisu Avakaŭ paviedamiŭ: «Pieradavajcie usim cyvilnym syści z centra horada — nie vychodzić z kvater, nia padychodzić da voknaŭ.
Sieparatysty adkryli ahoń na paražeńnie ŭ bok śpiecnaza biez papiaredžańnia…»
«U horadzie čuvać stralanina, u pavietry baražujuć viertaloty», — pieradaje karespandent RIA Naviny ź miesca padziej.
Fota instagram.com/p/mt99xomlBv/
{POLL#230}
19:30
18:30
Bajca Alfy ŭ Słaviansku rasstralali z aŭto achoŭnaj firmy.
13:30
U Danieckaj vobłaści ŭ chodzie antyterarystyčnaj apieracyi ŭ Słaviansku i Słavianskim rajonie adzin čałaviek zahinuŭ i 9 paranienyja, paviedamlaje UNIAN.
Pavodle paviedamleńnia, 5 čałaviek atrymali ahniastrelnyja ranieńni ŭ h. Słaviansku padčas kontrterarystyčnaj apieracyi, akramia taho, na trasie «Rastoŭ—Charkaŭ» pamiž haradami Słaviansk i Arciomaŭsk zaraz praciahvajecca ŭzbrojenaje supraćstajańnie, padčas jakoha pa stanie na 12.30 adzin čałaviek zahinuŭ i 4 atrymali ranieńni. Pra toje, kolki paciarpiełych z kožnaha z bakoŭ, pakul nie ŭdakładniajecca.
Vyjezd sa Słaviansku na trasu «Rastoŭ—Charkaŭ». Tut ad ahniastrelnaha ranieńnia zahinuŭ čałaviek. Fota twitter.com/GrishynUA
12:30
Mer Słavianska Niela Štepa źbiehła ŭ susiedni horad, sieparatysty abvinavačvajuć jaje ŭ zdradzie.
12:14
Ministr MUS Arsien Avakaŭ paviedamiŭ, što ŭ chodzie antitierorističieskoj apieracyi paranienyja 5 siłavikoŭ:
«Słaviansk. Zabityja i paranienyja z abodvuch bakoŭ. Z našaha boku — aficer SBU. Paranieny kiraŭnik ATC SBU i jašče čaćviora. Z boku sieparatystaŭ — nieŭstanoŭlenaja kolkaść.
Sieparatysty pačali prykryvacca žyvym ščytom ź mirnaha nasielnictva».
«Idzie pierahrupoŭka sił», dabaŭlaje Avakaŭ.
12:00
Bolšaja častka Słavianska vyzvalena ad rasijskich śpiecnazaŭcaŭ, paviedamlajuć «Naviny Danbasa».
Likvidavany błok-post sieparatystaŭ u Słaviansku. Fota novosti.dn.ua.
11:50
Krynica UNIAN: Pa słovach surazmoŭcy ahienctva, pa papiaredniaj infarmacyi, adzin pravaachoŭnik zabity, dvoje paranienyja.
11:06
Błokpost sieparatystaŭ na ŭjeździe ŭ Słaviansk z boku Kramatorsk źniščany, paviedamlajuć «Naviny Danbasa».
Taksama paviedamlajecca, što idzie likvidacyja jašče adnaho błokpasta pry ŭjeździe ŭ Słaviansk z boku Charkava.
10.20
«Na hety čas z našaha boku jość troje paciarpiełych. Pra straty z boku praciŭnika dadzienych niama», —
napisaŭ kiraŭnik centra vajenna-palityčnych daśledavańniaŭ Dźmitryj Tymčuk na svajoj staroncy Facebook.
Inšyja krynicy paviedamlajuć i ab troch paciarpiełych z boku praciŭnika.