Ukrainski śpiecnaz admoviŭsia pravodzić antyterarystyčnuju apieracyju ŭ Słaviansku biez bronietechniki
Antyterarystyčnuju apieracyju ŭ Słaviansku prypynili, pakolki siłaviki admaŭlajucca pravodzić jaje biez padtrymki bronietechniki.
Bronietechniku ž nielha ŭvieści ŭ horad, bo dla hetaha, pa słovach pravaachoŭnikaŭ, patrabujecca rašeńnie ab uviadzieńni nadzvyčajnaha stanovišča, jakoje admoviŭsia ŭvodzić SNBA.
Tym časam, uviečary ŭ Słaviansku nieviadomyja rasstralali aŭtamabil ź ludźmi.
Pra heta napisaŭ na svajoj staroncy ŭ Facebook žurnalist Maksim Levin.
«U mašynie znojdziena paśviedčańnie žurnalista na imia Andreja Mieščarakova. Jašče adzin paranieny ciapier u ciažkim stanie ŭ špitali. U reanimacyi. Jaho treba terminova vieźci ŭ Danieck sanaviacyjaj! U apieracyjnaj navat niama nieabchodnych lekaŭ. Rasstralanych ŭ mašynie — zdajecca, dvoje. Jany ŭžo ŭ morhu. Da rasstralanaj mašyny padjechali ludzi ŭ maskach i sa zbrojaj i razahnali ŭsich raziavak. Zabaraniajuć zdymać «, — paviedamiŭ žurnalist.