U Maryupali źbili prychilnikaŭ adzinstva Ukrainy
Učora, 13 krasavika, niepadalok ad budynka Maryupalskaha harupraŭleńnia milicyi (Danieckaja vobłaść) byli źbityja mitynhoŭcy za adzinstva Ukrainy. Pra heta paviedamili vidavočcy.
«My stajali mirnym mitynham u abaronu maryupalskaj milicyi. Raptam da budynka pryjšło kala 150 chłopcaŭ u maskach i ź bitami ŭ rukach. Jany nakinulisia na nas, stali nanosić cialesnyja paškodžańni i kidać uzryŭpakiety», — raspaviali ŭdzielniki akcyi.
Pa niepaćvierdžanych dadzienych paciarpieła 9 čałaviek. Ź ich 6 znachodziacca ŭ reanimacyi. U ich roznyja pierałomy i traŭmy hałavy.