U dačynieńni da byłoha namieśnika ministra lesu raspačata kryminalnaja sprava
U dačynieńni da byłoha pieršaha namieśnika ministra lasnoj haspadarki Biełarusi Fiodara Lisicy raspačata kryminalnaja sprava, paviedamili ŭ Hienprakuratury.
«Hienieralnaj prakuraturaj pavodle vynikaŭ sumiesnaj pravierki, praviedzienaj z DMK, KDB i MUS, 9 krasavika 2014 hoda raspačata kryminalnaja sprava na padstavie č. 3 art. 424 KK (złoŭžyvańnie ŭładaj ci słužbovymi paŭnamoctvami) u dačynieńni da byłoha pieršaha namieśnika ministra lasnoj haspadarki Biełarusi, jaki padazrajecca ŭ niezakonnych nabyćci ziamielnaha ŭčastka, budaŭnictvie i pryvatyzacyi žyłoha doma, niametavym vykarystańni biudžetnych srodkaŭ», — havorycca ŭ paviedamleńni.
Dla papiaredniaha rasśledavańnia kryminalnaja sprava nakiravana ŭ Śledčy kamitet Biełarusi.
Fota BiełaPAN.
Jak paviedamlałasia raniej, Lisica vyzvaleny ad pasady pieršaha namieśnika ministra zhodna z pastanovaj Savieta ministraŭ № 307 ad 4 krasavika. Jon zvolnieny «ŭ suviazi ź nievykanańniem abmiežavańniaŭ, źviazanych ź dziaržaŭnaj słužbaj (na padstavie padpunkta 1.4 punkta 1 artykuła 40 zakona ad 14 červienia 2003 hoda «Ab dziaržaŭnaj słužbie ŭ Respublicy Biełaruś»)».
51-hadovy Lisica zajmaŭ pasadu pieršaha namieśnika ministra z 2010 hoda.