Cimašenka stvaraje Narodny ruch supracivu
Kandydat u prezidenty Ukrainy, lidar partyi «Baćkaŭščyna» Julija Cimašenka inicyjuje stvareńnie narodnaha ruchu supracivu, jaki hatova ŭznačalić.
«Ja vyrašyła litaralna z hetaj chviliny zrabić usio, što ad mianie zaležyć, kab patrymać narodny ruch supracivu, jaki treba stvarać va Ukrainie ź ludziej, dobraachvotna hatovych abaraniać zaraz krainu», — zajaviła Ju. Cimašenka ŭ efiry prahramy «Svaboda słova» na telekanale ICTV u paniadziełak viečaram.
Jana adznačyła, što ŭ hety ruch pavinny ŭvajści vajskoŭcy, jakija majuć dośvied udziełu ŭ vajennych dziejańniach, byłyja śpiecnazaŭcy, ludzi, jakija vałodajuć stratehijaj vajennych daktryn.
Pa słovach palityka, užo ź siońniašniaha dnia pačynaje dziejničać štab ruchu. Kandydat u prezidenty paviedamiła, što ŭ aŭtorak ranicaj jana praviadzie pasiadžeńnie štaba.