Sieparatysty kažuć pra boj u vakolicach Słavianska
U pryharadzie Słavianska, u Danieckaj vobłaści, adbyvajecca boj, u napramku horada ruchajucca BTRy. Tak śćviardžaje pradstaŭnik tak zvanych «haradskich sił samaabarony».
«Na ŭskrainie horada zaviazaŭsia boj, čuvać streły i vybuchi. Jak paviedamlajuć našy aktyvisty, u napramku horada ruchajucca BTRy», — skazaŭ u aŭtorak «kaardynatar» hetych samych sił Mikałaj.
Jak jon śćviardžaje, u pasiołku Andrejeŭka, jaki znachodzicca ŭ niepasrednaj blizkaści ad Słavianska, haryć budynak pasiałkovaj rady, adtul byli čutny streły.
Paźniej Mikałaj zajaviŭ, što niekalki pastoŭ tak zvanych «sił samaabarony Słavianska» padvierhlisia napadu.
Adnak pakul niama infarmacyi ź inšych krynic pra padziei ŭ Słaviansku, što adbyvajucca ciapier.