Kurs prodažu dalara ŭpieršyniu dasiahnuŭ 10 000 rubloŭ FOTAFAKT
Aficyjny kurs dalara na 16 krasavika składaje 9940 rubloŭ, ale kurs prodažu amierykanskaj valuty ŭ abmieńnikach vyšejšy. Siońnia ad ranicy ŭpieršyniu ŭ historyi dalar dasiahnuŭ psichałahičnaj miažy 10 tysiač rubloŭ.
Pa takoj canie amierykanskuju valutu pradajuć u «BPS-Śbierbanku».
fota Kiryła Chilka
Astatnija banki nie ryzykujuć vystaŭlać taki kurs. Naprykład, u adździaleńniach «Biełarusbanka» dalar uźniaty da 9995 rubloŭ, i ni rublom bolš.
Kurs kupli amierykanskaj valuty pry hetym dasiahaje 9920 rubloŭ.
A voś u bolšaści internet-kramaŭ kurs užo zafiksavaŭsia na ŭzroŭni 10 tysiač rubloŭ.
Ad pačatku hoda kurs dalara vyras na 4,5%, kurs jeŭra – na 5%. I tolki ŭ adnosinach da rasijskaha rubla biełaruskaja valuta ŭzmacniłasia bolš čym na 5%.