Mer Słavianska: U horadzie dziejničajuć asoby z Kryma i Rasii, pačalisia maradziorstvy
Mer horada Słaviansk (Danieckaja vobł.) Nela Štepa zajaviła, što ŭ horadzie dziejničajuć asoby, jakija prybyli z Kryma i z Rasijskaj Fiederacyi.
«Toj, chto siońnia abviaściŭ siabie meram, ja nie viedaju, chto heta, što heta. Jany i praŭda siońnia zachapili vykankam… Sapraŭdy, tam siońnia «zialonyja čałaviečki», jany nie chavajuć, što jany z Kryma, z Rasii», — skazała Štepa ŭ efiry telekanała 112.ua.
Sa słovaŭ mera, zachopniki pavinny nieadkładna pakinuć budynak harsavieta.
U paniadziełak Štepa źviarnułasia da žycharoŭ horada z prośbaj nie vychodzić na dvor i raspaviała, što ŭ horadzie pačalisia maradziorstvy.