Minabarony Ukrainy pryznała zachop braniatechniki sieparatystami
U Danieckaj vobłaści rasijskimi dyviersijna-terarystyčnymi hrupami i miascovymi ekstremistami zachoplena niekalki uzoraŭ braniatechniki Uzbrojenych siłaŭ.
Heta paćvierdzili ŭ Minabarony.
«16 krasavika ŭ horad Kramatorsk u Danieckaj vobłaści ŭvajšli šeść adzinak braniatechniki Uzbrojenych sił (BMD), jakija dziejničali pa płanie antyterarystyčnaj apieracyi», — raspaviali ŭ viedamstvie.
U centry horada ruch kałony zabłakavali miascovyja žychary, «siarod jakich byli zaŭvažanyja pradstaŭniki rasijskich dyviersijna-terarystyčnych hrup».
«U vyniku błakavańnia ekstremisty zachapili techniku, i kałona nakiravałasia ŭ bok Słavianska. Pa stanie na 15.00 16 krasavika bronietechnika raźmiaščajecca niepadalok ad adnaho z adminzdanij ŭ centry Słavianska», — pryznali ŭ Minabarony.
Pablizu jaje znachodziacca ŭzbrojenyja asoby ŭ vajskovaj formie, «jakija nie majuć dačynieńnia da Uzbrojenych sił Ukrainy».
«Infarmacyja ab miescy znachodžańnia ŭkrainskich vajskoŭcaŭ ŭdakładniajecca», — havorycca ŭ zajavie.
Jak viadoma, raniej Minabarony abviarhała fakt zachopu bronietechniki sieparatystami, a deputat Sobaleŭ zajaŭlaŭ, što ŭźniaćcie na BMD rasijskich ściahoŭ było partyzanskim trukam, kab praniknuć u Słaviansk.