U Kurapatach adnoŭlenaja "łava Klintana"
U restaŭracyi i ŭstanoŭcy łavy ŭdzielničali aktyvisty KCHP‑BNF i skulptar Aleś Šaternik.
Pra heta BiełaPAN paviedamiŭ adkazny sakratar Kansiervatyŭna‑Chryścijanskaj partyi — BNF Aleś Čacholski. Pavodle jaho słoŭ, aŭtentyčnyja frahmienty raźbitaha znaka zmacavanyja viankom. U restaŭracyi i ŭstanoŭcy łavy ŭdzielničali aktyvisty KCHP‑BNF i skulptar Aleś Šaternik.
«Adnaŭleńnie pamiatnaha znaka źjaŭlajecca vialikaj spravaj, bo narod Amieryki pamiataje ab tym, što adbyvałasia na terytoryi Biełarusi ŭ hady stalinskich represij. Dla nas «łava Klintana» źjaŭlajecca simvaličnaj, jak i Kryž pakutaŭ, apahanieny vandałami — naščadkami tych, chto ŭ Kurapatach rasstrelvaŭ našych prodkaŭ. Voś čamu apahanščykami ŭročyšča kiruje nienaviść da hetych simvałaŭ viery ŭ niezaležnuju i svabodnuju Biełaruś», — skazaŭ A.Čacholski.
Łava z nadpisam «Ad narodu ZŠA narodu Biełarusi dziela pamiaci» była ŭstanoŭlena ŭ 1994 hodzie padčas vizitu ŭ Biełaruś prezidenta ZŠA Biła Klintana. U intervju BiełaPAN kandydat histaryčnych navuk Ihar Kuźniacoŭ zaznačyŭ, što za minułyja 13 hadoŭ «łava Klintana» 12 razoŭ była apahaniena nieviadomymi. Apošni raz heta adbyłosia ŭ kancy studzienia — na pačatku lutaha hetaha hoda, kali pamiatny znak byŭ raskołaty. Zvaroty I.Kuźniacova ŭ milicyju byli biezvynikovyja: asoby, jakija apahanili miemaryjał, nie ŭstanoŭleny.