Łukašenka: Razmovy ab tym, što my zaŭtra ŭvojdziem u niejkija dziaržavy, dla Biełarusi nieprymalnyja
Rasija padtrymlivaje ŭ susiednich krainach siły, jakija imknucca dałučyć svaje rehijony da Rasii. Fota Rojterz sa Słavianska, Danbas.
Biełaruskaja ziamla zaŭsiody budzie naležać hramadzianam krainy, nie tolki biełarusam, ale i rasiejcam, habrejam, palakam, ukraincam — usim, chto na joj žyvie, zajaviŭ Alaksandr Łukašenka 20 krasavika, naviedvajučy minski Śviata-Duchaŭ kafiedralny sabor.
«My nikoli nie dapuścim, kab z hetaj śviatoj ziamli zychodziła pahroza pierš za ŭsio našym susiedziam i inšym narodam śvietu, — cytuje kiraŭnika Biełarusi dziaržaŭnaje infarmacyjnaje ahienctva BiełTA. — My pavinny padaravany Hospadam Boham imidž našaha naroda jak samych dobrych, śvietłych i śviatych ludziej pranieści praz svajo žyćcio. My heta pavinny pamiatać zaŭsiody».
«Tamu mir i spakoj — hałoŭnaje, što my pavinny siońnia zachavać, heta hałoŭnaje, za što my pavinny zmahacca. Naša dziaržaŭnaść niepachisnaja, i ŭsialakija razmovy pra toje, što my zaŭtra ŭvojdziem u niejkija dziaržavy, dla Biełarusi nieprymalnyja», — skazaŭ Łukašenka.