Łupitu Ńjonha pryznali samaj pryhožaj žančynaj hoda
Časopis People pryznaŭ aktorku Łupitu Ńjonha samaj pryhožaj žančynaj hoda. Pa tradycyi vydańnia fotazdymak zorki źjaviŭsia na vokładcy numara, pryśviečanaha samym pryhožym ludziam płaniety.
Kamientujučy svajo «pryznačeńnie» hałoŭnaj pryhažuniaj hoda, Ńjonha nazvała rašeńnie časopisa pryjemnym i ščodrym kamplimientam. Taksama jana raspaviała, što jaje maci Doraci zaŭsiody kazała joj, što jana pryhožaja, i ŭ rešcie rešt jana sama ŭ heta pavieryła.
Usiaho ŭ śpis trapili 50 pradstaŭnikoŭ šou-biźniesu, a častkova jon pryviedzieny na sajcie vydańnia (jak zvyčajna, fatahrafii jaho hierojaŭ raźmiaščajucca ŭ advolnym paradku, a nie pa pryncypie chit-paradu). Akramia ŭładalnicy premii «Oskar» za rolu ŭ karcinie «12 hadoŭ rabstva» u śpisie pryhažunoŭ pa viersii People 2014 hoda — śpiavačka Pink, aktrysa Embier Chiord, madel Moli Sims, a taksama aktorka Kery Vašynhton.
U 2013 hodzie samaj pryhožaj žančynaj płaniety People pryznaŭ Hviniet Pełtrou.