Nivodzin biełaruski bank nie pradaje dołary tańniej čym 10.000 rubloŭ
Nivodzin biełaruski bank nie pradaje amierykanskija dołary tańniej čym 10.000 rubloŭ, śviedčyć praviedzieny BiełaPAN manitorynh kacirovak, što vystaŭlajucca hałaŭnymi adździaleńniami bankaŭ.
22 krasavika pa kursie 9.990 rubloŭ hrašovuju adzinku ZŠA prapanoŭvali dva banki — «RRB-Bank» i «Technabank». Na nastupny dzień stolki kaštavaŭ dołar tolki ŭ banku «Maskva — Minsk». 24 krasavika amierykanskuju valutu pradavali pa kursie ad 10.000 («Parytetbank», «Technabank», «Maskva — Minsk», Biełaruski bank małoha biźniesu, bank «Handlovy kapitał» i «Cepter-bank») da 10.180 («Delta-bank»).
U toj ža čas histaryčny rekord składaje 10.300 rubloŭ. Taki kurs prodažu dołara byŭ zafiksavany ŭ «ChoŭmKredytBanku» ŭ kastryčniku 2011 hoda, u razhar finansavaha kryzisu.
Z 1 pa 24 krasavika siaredni kurs najaŭnaha dołara vyras na 1,23% (z 9.870,5 da 9.992 rubloŭ), z pačatku hoda — na 4,43%.
U studzieni hetaha hoda amierykanskaja valuta padaražeła na 0,64%, u lutym — na 1,51%, u sakaviku — na 0,97%.