SBU zatrymała Tapaza i departavała z Ukrainy žurnalistaŭ rasijskaha kanała
Karespandenta i apieratara rasiejskaha telekanała LifeNews Juliju Šustruju i Michaiła Pudaŭkina departujuć z Ukrainy. Pra heta paviedamlaje partał telekanała.
«Supracoŭniki SBU paviedamili, što nas departujuć z krainy, zajaviŭšy, što naša znachodžańnie na terytoryi Ukrainy pahražaje jaje cełasnaści i biaśpiecy», — paviedamiła žurnalistka.
Telekanał udakładniaje, što jaho supracoŭnikaŭ «atakavali» 10 čałaviek u maskach, kali jany rychtavalisia zapisać intervju ź sieparatystami Ihnatam Kromskim — Tapazam, jakoha zatym taksama zatrymali.
«Ja nie viedaju, što dakładna čakaje Tapaza dalej. Ale mahu paŭtaryć farmuloŭku tych, chto vioz nas. Na majo pytańnie, što ź im budzie dalej, jany adkazali: my nie dumajem, što dalejšaje znachodžańnie ŭ Daniecku dla jaho budzie biaśpiečnym. Ja dumaju, što jaho vyviezuć tudy, dzie znachodzicca Pavieł Hubaraŭ (sieparatyst, samaabvieščany «narodny hubiernatar» Danieččyny) «, — zajaviła žurnalistka.