Brest – BATE – 0:4. Ale minskaje «Dynama» zastałosia na pieršym radku
Skončylisia matčy 5-ha tura čempijanata Biełarusi pa futbole.
U centralnaj sustrečy dužalisia siłami «Homiel» i minskaje «Dynama». Na žal, dla hledačoŭ «bieła-zialony» «Homiel» nie zmoh akazać supraciŭ haściam. «Dynamaŭcy» zabili pa razu ŭ kožnym z tajmaŭ. Spačatku adznačyŭsia ŭruhvajec Fihiereda (piaty hoł zapar u sustrečach z «Homielem»!!!), a potym sierb Adamavič – 2:0.
Barysaŭski BATE atrymlivaje treciuju bujnuju pieramohu zapar. Ciapier čempijony krainy razhramili ŭ haściach bieraściejskaje «Dynama» – 4:0. Adzin hoł zabiŭ Michaił Hardziajčuk, a taksama chiet-trykam adznačyŭsia Siarhiej Kryviec.
U Kryŭca piać hałoŭ, jon razam z «biełšynaŭcam» Radryhiezam Bledam uznačalvaje tablicu bambardziraŭ. Ispaniec zabiŭ u hetym tury, ale «Słuck» usio adno atrymaŭ valavuju pieramohu – 2:1. U słučakoŭ zabivali ŭkraincy Jakaŭleŭ i Milko.
Navapołacki «Naftan» viazie paśla hulni z «Minska» try punkty. Adziny hoł u sustrečy naprykancy hulni zabiŭ Alaksiej Sučkoŭ. «Naftan» niečakana zajmaje treci radok u tablicy.
«Dniapro» i «Šachcior» hałoŭ nie zabili. Chacia mahiloŭcy mieli realny šaniec, adnak Alaksandr Haŭruška nie realizavaŭ pienalci.
Jašče adna ničyja 0:0 zafiksavanaja ŭ hulni «Niomana» i «Tarpieda-BiełAZ».
Paśla piaci turaŭ turnirnaja tablica maje nastupny vyhlad: «Dynama» (Minsk) – 13 punktaŭ, BATE – 12, «Naftan» – 11, «Šachcior» – 9, «Minsk», «Słuck», «Homiel», «Tarpieda-BiełAZ» – pa 6, «Biełšyna», «Nioman» – pa 4, «Dynama» (Brest), «Dniapro» – pa 3.