Ruch «Za Svabodu» zaklikaje spynić razdaču hieorhijeŭskich stužak u Biełarusi
Zajava Ruchu «Za Svabodu» ŭ suviazi z razdačaj u adnym ź minskich hipiermarkietaŭ čorna-aranžavych t.zv. «hieorhijeŭskich», stužak.
U adnym z hipiermarkietaŭ Minsku z 2 maja prachodzić akcyja «Ja pamiataju, ja hanarusia», u miežach jakoj da 9 maja ŭsim achvotnym pakupnikam vydajuć t.zv. «hieorhijeŭskija stužki».
Čorna-aranžavaja simvolika ŭsio mienš i mienš asacyjujecca z Dniom Pieramohi nad nacyzmam i fašyzmam. Jana ŭsio bolš stanovicca simvałam rasijskaha impieryjalizmu. Paśla apošnich padziejaŭ va Ukrainie jana adnaznačna maje novy admoŭny sens jak usłaŭleńnie sieparatyzmu i vajskovaj ahresii.
U suviazi z hetym, Ruch «Za Svabodu» zaklikaje Minski harvykankam, inšyja orhany miascovych uładaŭ, a taksama Saviet ministraŭ da zabarony razdačy i vykarystańnia t.zv. «hieorhijeŭskich stužak» u hramadskich miescach.
My taksama zaklikajem biełarusaŭ admaŭlacca ad vykarystańnia hetych stužak u znak salidarnaści z Ukrainaj i pratestu suprać vajskovaj ahresii, prapanujem śviatkavać hadavinu pieramohi ŭ Druhoj Suśvietnaj vajnie ź inšymi, u tym liku nacyjanalnymi, simvałami.