Zatrymany hramadski aktyvist Mikałaj Dziemidzienka
5 maja ŭ Minsku zatrymany aktyvist arhanizacyi «Małady front» (zarehistravana ŭ Čechii) Mikałaj Dziemidzienka. Ab hetym BiełaPAN paviedamiła Nasta Daškievič, žonka byłoha palitviaźnia Źmitra Daškieviča.
Jana raskazała, što Dziemidzienka paśpieŭ patelefanavać siabru, skazać, što jaho zatrymlivajuć supracoŭniki milicyi, potym telefon adklučyŭsia. Siabar taksama vyklučyŭ telefon. Dzie ciapier znachodzicca Dziemidzienka, nieviadoma.
Varta adznačyć, što zaraz roznyja terminy administracyjnych aryštaŭ adbyvajuć kala dziasiatka hramadskich aktyvistaŭ, zatrymanych da i paśla akcyi apazicyi «Čarnobylski šlach», jakaja adbyłasia ŭ Minsku 26 krasavika.
Pravaabaroncy rasceńvajuć hetyja zatrymańni jak previentyŭnyja napiaredadni startu čempijanatu śvietu pa chakiei.