Z 30 maja ŭ Tunis budzie lotać čartar ź Minska
Pra heta na svajoj staroncy ŭ Facebook paviedamiŭ Ihar Čarhiniec, namieśnik hienieralnaha dyrektara Nacyjanalnaj avijakampanii «Biełavija».
Jak prakamientavaŭ Ihar Čarhiniec, zakazčykam čartara vystupaje turkampanija z Tunisa.
Zapusk čartara stanoŭča prakamientavali ŭ turkampanii «Sakub». «Hety kirunak demakratyčny pa cenach, tam vydatnyja plažy, bahaty hatelny šerah, pryciahvaje i adsutnaść nieabchodnaści afarmleńnia vizy, što dazvalaje turfirmam zakryvać miescy ŭ apošni momant. U paraŭnańni z Turcyjaj i Jehiptam, Tunis taksama vyjhraje. Ale tym nie mienš u nas jość sumnieńni nakont taho, ci ŭdasca nabrać klijentaŭ na dadzieny čartar. Ź Minska ŭ hetym siezonie turystam prapanujecca bahaćcie raznastajnych varyjantaŭ, a čartar u Tunis adsutničaŭ 4 hady», — skazali ŭ turkampanii.
Apošni čartar u Tunis ź Minska adbyŭsia ŭ vieraśni 2010 hoda.
Rejsy adpraŭlalisia ź Minska ŭ Manastyr i dastaŭlali turystaŭ u Tunis adzin raz u 10—12 dzion. Čartar spyniŭsia ŭ suviazi z padziejami Arabskaj viasny.
Palityčnaje stanovišča ŭ Tunisie ciapier davoli spakojnaje. Avijarejsy z Maskvy i Kijeva lotajuć rehularna. Adnak turystam rekamiendujecca vykonvać standartnyja praviły biaśpieki.