Šejman pierastaŭ być pamočnikam prezydenta
U składzie Rady biaśpieki zastaŭsia adzin pamočnik prezydenta pa nacyjanalnaj biaśpiecy — Viktar Łukašenka.
U składzie Savieta biaśpieki Biełarusi zastaŭsia adzin pamočnik prezidenta pa nacyjanalnaj biaśpiecy — Viktar Łukašenka. Da vydańnia kiraŭnikom dziaržavy 1 listapada 2007 hoda ŭkaza № 556 pamočnikam prezidenta ŭ hetaj śfiery ŭ dapaŭnieńnie da asnoŭnaj pasady — dziaržaŭnaha sakratara Savieta biaśpieki — aficyjna źjaŭlaŭsia i Viktar Šejman. Ciapier jaho pasada ŭ śpisie členaŭ Savieta biaśpieki sfarmulavana jak dziaržaŭny sakratar Savieta biaśpieki Respubliki Biełaruś.
U pres-słužbie Dziaržaŭnaha sakrataryjata Savieta biaśpieki prakamientavać BiełaPAN hetaje źmianieńnie nie zdoleli.
Nahadajem, V.Łukašenka byŭ uviedzieny ŭ skład Savieta biaśpieki 5 studzienia 2007 hoda. Pamočnikam prezidenta pa nacyjanalnaj biaśpiecy jon źjaŭlajecca z pačatku 2005 hoda.
Ukazam № 556 sa składu Savieta biaśpieki vyviedzieny były staršynia Pałaty pradstaŭnikoŭ Uładzimir Kanaploŭ. Jaho miesca zaniaŭ novy śpikier nižniaj pałaty Vadzim Papoŭ.
Byłoha staršyniu KDB Ściapana Sucharenku, jaki byŭ adpraŭleny ŭ adstaŭku hetym letam, u Saviecie biaśpieki zamianiŭ ciapierašni kiraŭnik hałoŭnaj biełaruskaj śpiecsłužby Juryj Žadobin.