BČ adnaviła prodaž biletaŭ da asobnych stancyj na šlachu ruchu ciahnika Minsk — Simfieropal
Biełaruskaja čyhunka z 13 maja adnaviła prodaž biletaŭ da asobnych stancyj na šlachu ruchu ciahnika Minsk — Simfieropal, paviedamili ŭ pres-centry BČ.
U adpaviednaści z paviedamleńniem Dziaržaŭnaj administracyi čyhunačnaha transpartu Ukrainy ź siońniašniaha dnia dla pasadki i vysadki pasažyraŭ adnoŭleny niekatoryja raniej admienienyja prypynki ciahnika numar 100/99 Minsk - Simfieropal. Siarod ich stancyi Paŭłahrad-1, Sinielnikava-1, Mielitopal i Novaalaksiejeŭka. Takim čynam, prodaž prajaznych dakumientaŭ da hetych stancyj budzie ažyćciaŭlacca, padkreślili ŭ BČ.
U pres-centry Biełaruskaj čyhunki źviarnuli ŭvahu na nieabchodnaść płanavać pajezdki z ulikam źmianieńniaŭ u ruchu pajazdoŭ u pieravozkach z Ukrainaj i sačyć za abnaŭleńniem infarmacyi na aficyjnym sajcie BČ, a taksama infarmacyjnych stendach i kasach čyhunačnych vakzałaŭ.