Za vydaču i abmien pašparta ŭ Minsku ciapier možna zapłacić praź Internet
Pasłuhi, jakija akazvajuć padraździaleńni pa hramadzianstvie i mihracyi HUUS Minharvykankama, ciapier padklučany da Adzinaj raźlikovaj i infarmacyjnaj prastory (ARIP). Ab hetym paviedamili va ŭpraŭleńni infarmacyi i hramadskich suviaziej MUS.
U MUS rastłumačyli, što takim čynam ciapier apłatu možna pravieści praź internet-bankinh, mabilny bankinh, infakijoski i inšyja ŭstrojstvy, jakija prymajuć płaciažy.
Razmova idzie ab takich administracyjnych pracedurach i pasłuhach, jak vydača i abmien pašparta hramadzianina Biełarusi; dadatkovaja płata za vydaču i abmien pašparta ŭ paskoranym paradku; afarmleńnie zajavy; atrymańnie SMS ab hatoŭnaści dakumienta da vydačy; rehistracyja zamiežnych hramadzian i asob biez hramadzianstva, jakija časova znachodziacca ŭ našaj respublicy.
Spasyłki na hetyja pasłuhi ŭ «drevie ARIP» raźmieščany ŭ halinie «horad Minsk». Dla apłaty treba vybrać rajon stalicy, pasłuhu i ŭvieści svoj identyfikacyjny numar z pašparta (paśviedčańnia na prava žycharstva). Što datyčycca časovaj rehistracyi inšaziemcaŭ, to im nieabchodna ŭvieści numar pašparta.
Rabotniku padraździaleńnia pa hramadzianstvie i mihracyi abo ŭpaŭnavažanaj na pryjom dakumientaŭ asobie treba budzie pradjavić numar apieracyi ŭ ARIP abo svoj identyfikacyjny numar. U Departamiencie pa hramadzianstvie i mihracyi MUS dadali, što ŭ dalejšym płanujecca pašyryć pieralik apłatnych praz ARIP pasłuh i raspaŭsiudzić hety sposab apłaty na ŭsie rehijony respubliki.